Sinhala (Sri Lanka)Tamil-Sri Lanka

May 2016
S M T W T F S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
We have 115 guests online

සිංහල හා දෙමළ අලුත් අවුරුදු උත්සවයට සමගාමීව සැහැල්ලු පන්දු ක්‍රිකට් තරඟාවලියක් හෙට (19) මාතර දී

මාතර දිස්ත්‍රික් ලේකම් කාර්යාලය වාර්ෂිකව සංවිධානය කරන සිංහල හා දෙමළ අලුත් අවුරුදු උත්සවයට සමගාමීව දිස්ත්‍රික් ලේකම් කාර්යාලීය ඵලදායිතා කව අතර සුහදතාව වර්ධනය කිරීමේ අරමුණින් සැහැල්ලු පන්දු  ක්‍රිකට් තරඟාවලියක් හෙට (19) පෙ.ව. 9.00 ට මාතර කොටුව - මහින්ද විජේසේකර ක්‍රීඩාංගණයේ දී පැවැත්වීමට කටයුතු සංවිධානය කර තිබේ.

සීමිත ඕවර හතකින් හා තරඟවට නවයකින් සමන්විත මෙම ක්‍රිකට් තරඟාවලිය සඳහා කණ්ඩායම් නවයක් සහභාගි වන අතර එක් කණ්ඩායමක් සඳහා තරඟ කරුවන් හත් දෙනෙකු සහ තරඟ කාරියන් තිදෙනෙකු බැගින් සහභාගි වේ. මෙහි දී පන්දු යැවීම හා පන්දුවට පහර දීම යන අංශ දෙක සඳහා ම තරඟ කාරියන් වෙනුවෙන් ඕවර දෙකක් වෙන් කිරීම අනිවාර්ය වේ.

ශක්ති, එකමුතු, තුළිත, ප්‍රදීප, අලුත් අස්වැන්න, දක්ෂිණ, සමෘද්ධි, සමගි, සංඛ්‍යාන, හිරු, වීර හා විනිවිද යනාදී ඵලදායිතා කව මේ සඳහා සහභාගි වීමට නියමිත ය.

මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මියගේ උපදෙස් මත මෙම ක්‍රිකට් තරඟාවලිය සංවිධානය කෙරේ.

 

2016.03.29 දිනමාතර කොටවිල  ගරු ක්‍රීඩා අමාත්‍යතුමාගේ සංචාරය

ක්‍රීඩා ඇමති මාතර ක්‍රීඩා සංගම් නියෝජිතයින් හමුවේ

ශ්‍රී ලාංකේය ක්‍රීඩා ක්ෂේත්‍රයේ උන්නතිය වෙනුවෙන් තීන්දු තීරණ ගැනීම සඳහා දිවයින පුරා විසිරී සිටින සියලුම ක්‍රීඩා සංගම්වල නියෝජිතයින් හමුවී ඔවුන්ගේ අදහස් හා ගැටළු විමසීමට ක්‍රීඩා අමාත්‍ය දයාසිරි ජයසේකර මැතිතුමා තීරණය කොට තිබේ.

ඒ අනුව ඊයේ (29) දින මාතර දිස්ත්‍රික්කයේ සංචාරය කළ ක්‍රීඩා අමාත්‍යතුමා මාතර දිස්ත්‍රික්කයේ ක්‍රීඩා සංගම් නියෝජිතයින් හමු වීම මාතර දිස්ත්‍රික් ලේකම් කාර්යාලීය ගාමිණී ජයසේකර ශ්‍රවණාගාරයේ දී සිදු කෙරිණි.

මෙහි දී ක්‍රීඩා සංගම් පනස් හයක් පිළිබඳව විමසීම් කරන ලද අතර ඇතැම් ක්‍රීඩාවන් සඳහා මාතර දිස්ත්‍රික්කයේ සංගම් පිහිටුවා නැත. සංගම් පිහිටුවා නොමැති ක්‍රීඩා සඳහා කඩිනමින් සංගම් පිහිටුවීමටත් දැනට මාතර නොමැති ක්‍රීඩාවන් කඩිනමින් හඳුන්වාදීමටත් කටයුතු කරන ලෙස දිස්ත්‍රික්කයේ ක්‍රීඩා සම්බන්ධීකරණ නිලධාරීන්ට හා ක්‍රීඩා නිලධාරීන්ට උපදෙස් දෙන ලදි.

ක්‍රීඩා සංගම් ප්‍රතිසංවිධානය කර ප්‍රාදේශිය ලේකම් කොට්ඨාස මට්ටමින් හා ග්‍රාම නිලධාරී වසම් මට්ටමින් සියලු ම ක්‍රීඩාවන් වෙනුවෙන් සංගම් පිහිටුවිය යුතු බව ද එමෙන්ම පොලිසිය, හමුදාව, හය ශ්‍රේණියෙන් ඉහළ පාසල් ළමුන් වෙනුවෙන් හා පෞද්ගලික ආයතන වල ද ක්‍රීඩා සංගම් ඇති කළ යුතු බව ද ඇමතිවරයා පැවසී ය.

පළාත් සභා හෝ මධ්‍යම රජයේ කියා ක්‍රීඩා නිලධාරීන් අතර පවතින බෙදීම් නැති කර සියලු දෙනාම එක් මතයකට විත් ක්‍රීඩාව දියුණු කිරීමට ක්‍රියා කළ යුතු බව ද අවධාරණය කෙරිණි.

මේ අවස්ථාවට මාතර දිස්ත්‍රික් සම්බන්ධීකරණ කම්ටු රැස්වීම කමිටුවේ සම සභාපතිවරුන් වන මුදල් රාජ්‍ය අමාත්‍ය ලක්ෂ්මන් යාපා අබේවර්ධන මැතිතුමා, මාතර දිස්ත්‍රික් පාර්ලිමේන්තු මන්ත්‍රී බුද්ධික පතිරණ මැතිතුමා, දකුණු පළාත් ක්‍රීඩා අමාත්‍ය වීරසුමන වීරසිංහ මැතිතුමා, දකුණු පළාත් සභා මන්ත්‍රීවරුන් වන පසඳ යාපා අබේවර්ධන හා ගයාන් සංජීව යන මහත්වරුන් ඇතුළු ප්‍රදේශයේ දේශපාලන නායකත්වය, මාතර දිස්ත්‍රික් ලේකම් ඊ.ඒ.සී. විදානගමාච්චි මහත්මය ප්‍රමුඛ රාජ්‍ය නිලධාරීන්, ක්‍රීඩා නිලධාරීන් සහ ක්‍රීඩා සංගම් නියෝජිතයින් ඇතුළු පිරිසක් සහභාගි වූහ.

මාතර - කොටවිල ඉදිකෙරෙමින් පවතින ක්‍රීඩා සංකීර්ණය නිරීක්ෂණය කිරීම සඳහා ද ඇමතිවරයා එක් විය.

ඩබ්. එම්. ටී. ඉන්දික

දිස්ත්‍රික් මාධ්‍ය ඒකකය

දිස්ත්‍රික් ලේකම් කාර්යාලය

මාතර

2016. 03. 30

 
Service Cluster of District Secretariat

Registrations

Issuance of
Permits / Licenses

Visa

News and Events