මාතර දිස්ත්රික්කයේ ප්රාදේශීය ලේකම් කොට්ඨාස මට්ටමින් ක්රියාත්මක කරනු ලබන සංවර්ධන ව්යාපෘතිවල ප්රගතිය විමසා බැලීම හා ඒ සම්බන්ධයෙන් පවතින විවිධ ගැටළු කෙරෙහි අවධානය යොමු කරමින් 2025 සැප්තැම්බර් මාසයට අදාළ මාතර දිස්ත්රික් ප්රාදේශීය ලේකම් සාකච්ඡාව මාතර දිස්ත්රික් ලේකම් / දිසාපති චන්දන තිලකරත්න මහතාගේ ප්රධානත්වයෙන් පසුගියදා මාතර දිස්ත්රික් ලේකම් නිළ සාකච්ඡා මැදිරියේ දී පැවැත්විණි.
මෙහි දී මාතර දිස්ත්රික්කයේ ප්රාදේශීය ලේකම් කොට්ඨාස මට්ටමින් ක්රියාත්මක කෙරෙන සංවර්ධන වැඩසටහන් පිළිබඳව සහ ඒවායේ පවතින ගැටළු පිළිබඳව සාකච්ඡා කරන ලද අතර අදාළ ගැටළු වෙනුවෙන් ගතයුතු ක්රියාමාර්ග පිළිබඳව අවධානය යොමු කෙරිණි. ප්රාදේශීය ලේකම් කොට්ඨාස මට්ටමින් පවතින සංවර්ධන ගැටලු, මූල්ය ගැටලු, ඉඩම් ගැටලු, සමෘද්ධි ගැටලු ආදිය පිළිබඳව විශේෂයෙන් සාකච්ඡා කරන ලදි.
විමධ්යගත අයවැය වැඩසටහන, අස්වැසුම වැඩසටහන ඇතුළු වැඩසටහන් රැසක ප්රගතිය විමසා බැලීම ද සිදු කෙරිණි.
මීට අමතරව දිස්ත්රික්කයේ ඉඩම් සම්බන්ධ කටයුතු, අභ්යන්තර විගණන කටයුතු, ගිණුම් කටයුතු, කෘෂිකර්ම කටයුතු, ආපදා සහන සේවා කටයුතු, සමාජ ආරක්ෂණ විශ්රාම වැටුප් යෝජනා ක්රමය පිළිබඳව, සමාජ සේවා කටයුතු පිළිබඳව සාකච්ඡා කරන ලදි.
මේ අවස්ථාවට මාතර අතිරේක දිස්ත්රික් ලේකම් (පාලන) කුසලක නානායක්කාර මහතා, අතිරේක දිස්ත්රික් ලේකම් (ඉඩම්) කාංචනා තල්පාවිල මහත්මිය, මාතර දිස්ත්රික් ලේකම් කාර්යාලයේ නිලධාරීන් හා මාතර දිස්ත්රික්කයේ ප්රාදේශීය ලේකම් කොට්ඨාස දහසය නියෝජනය කරමින් ප්රාදේශීය ලේකම්වරුන් ඇතුළු පිරිසක් සහභාගි වී සිටියහ.
