News & Events

 මාතර දිස්ත්‍රික් සම්බන්ධීකරණ කමිටුව ජූලි 08 වැනිදා රැස්වේ  මාතර දිස්ත්‍රික් සම්බන්ධීකරණ කම්ටු රැස්වීම කමිටුවේ ගරු සම සභාපති වරුන් වන  ගරුකර්මාන්ත හා වාණජ කටයුතු නියෝජ්‍ය අමාත්‍ය බුද්ධික පතිරණ මැතිතුමා සහ ගරු...

වාණිජමය පුපුරණ ද්‍රව්‍ය නිකුත් කිරීමේ වැඩපිළිවෙල ප්‍රතිව්‍යුහගත කිරීම පිළිබඳව දකුණේ රාජ්‍ය නිලධාරීන් දැනුවත් කෙරේ පාස්කු ඉරිදා ප්‍රහාරයෙන් පසුව ශ්‍රී ලංකාවේ කැණීම් ක්ෂේත්‍රයට අදාළව වාණිජමය පුපුරණ ද්‍රව්‍ය නිකුත් කිරීමේ වැඩපිළිවෙල ප්‍රතිව්‍යුහගත...

ජූලි 18 දිනට යෙදෙන ජාතික සමථ දිනයට සමගාමීව වැඩසටහන් රැසක් මාතර දී

ජූලි 18 දිනට යෙදෙන ජාතික සමථ දිනයට සමගාමීව මාතර දිස්ත්‍රික්කයේ වැඩසටහන් රැසක් පැවැත්වේ. එහි පළමු වැඩසටහන මාතර අතිරේක දිස්ත්‍රික් ලේකම් කසුන්.එස්.කේ.වැල්ලහේවා මහතාගේ ප්‍රධානත්වයෙන් ඊයේ (18) දින මාතර දිස්ත්‍රික් ලේකම් කාර්යාලයේ දී පැවැත්විණි.

2019 ජාතික සමථ දිනයට සමගාමීව ජුලි 25 දින සිට අගෝස්තු 08 දින දක්වා වූ දෙසතිය සමථ මණ්ඩල ක්‍රියාවලිය පිළිබඳව ජනතාව දැනුවත් කිරීමේ සති ලෙස ප්‍රකාශයට පත්කර ඇති අතර ඒ අනුව මාතර දිස්ත්‍රික්කයේ පිහිටුවා ඇති සමථ මූල මණ්ඩල 16 මගින් ම ජනතාව දැනුවත් කිරීම සඳහා කටයුතු කෙරේ. ඒ අනුව දැනුවත් කිරීමේ වැඩසටහන්, අත්පත්‍රිකා බෙදාහැරීම, ස්ටිකර් ඇතුළු විවිධ ක්‍රමවේද මගින් මෙම දැනුවත් කිරීම් සිදු කිරීමට නියමිත ය.

අධිකරණ ක්‍රියාවලිය පහසු කරලීමේ අරමුණින් ආරවුල් විසඳීමේ විකල්ප ක්‍රමවේදයක් ලෙස අධිකරණ වෙත ඉදිරිපත් වන ආරවුල් වලින් සුළු ආරවුල් විසඳාලීම උදෙසා සකස් කරන ලද ඉතා වටිනා වැඩපිළිවෙලක් ලෙස සමථ මණ්ඩල පිහිටුවීම සිදු කරන ලදි. 1988 අංක 72 දරණ සමථ මණ්ඩල පනත මඟින් සමථ මණ්ඩල කොමිෂන් සභාව පිහිටුවන ලද අතර ඒ යටතේ ශ්‍රි ලංකාවේ සෑම ප්‍රාදේශිය ලේකම් කොට්ඨාශයක් සඳහා ම සමථ මණ්ඩල පිහිටුවා ඇත.

සමථකරණ ක්‍රියාවලිය මඟින් පාර්ශවකරුවන් දෙදෙනෙකු හෝ ඊට වැඩි ප්‍රමාණයක් අතර ඇතිවන ආරවුල් විසඳා ගැනීම සඳහා තුන්වන පාර්ශවයක් ලෙස සමථකරුවන් කටයුතු කරනු ලබයි.

තමන්ගේ ගැටළු විසඳීමට පහසු හා අඩු වියදම් යාන්ත්‍රණයක් ලෙස ප්‍රජාව විසින් සමථකරණය පිළිගැනීමෙන් පසු ප්‍රජාව සමථකරණය දෙසට යොමු විම ඉහළ ගොස් ඇත. එම නිසා සෑම වසරකදීම ලක්ෂයකට අධික ආරවුල් ප්‍රමාණයක් සමථ මණ්ඩල වෙතට යොමු වේ.

මේ වන විට ශ්‍රි ලංකාව පුරා ප්‍රාදේශීය ලේකම් කොට්ඨාශ 329ක පිහිටුවා ඇති සමථ මූල මණ්ඩලවලසමථකරුවන් 8,266 ක පමණ  පිරිසක් ස්වේච්ඡාවෙන් සේවය කරනු ලබයි.

මෙහි දී සමථ මූල මණ්ඩල වලට අදාළ බැනර්, අත්පත්‍රිකා හා ස්ටිකර් බෙදා දීම ද සිදු කෙරිණි.

මේ අවස්ථාවට මාතර දිස්ත්‍රික්කයේ සමථ පුහුණු නිලධාරීන් වන කීර්ති ලියනගේ මහතා හා රංජන ඩයස් මහත්මිය, සමථ මණ්ඩල සභාපතිවරුන් හා උපසභාපතිවරුන් ඇතුළු පිරිසක් සහභාගි වී සිටියහ.

 

 

 

වාණිජමය පුපුරණ ද්‍රව්‍ය නිකුත් කිරීමේ වැඩපිළිවෙල ප්‍රතිව්‍යුහගත කිරීම පිළිබඳව දකුණේ රාජ්‍ය නිලධාරීන් දැනුවත් කෙරේ

පාස්කු ඉරිදා ප්‍රහාරයෙන් පසුව ශ්‍රී ලංකාවේ කැණීම් ක්ෂේත්‍රයට අදාළව වාණිජමය පුපුරණ ද්‍රව්‍ය නිකුත් කිරීමේ වැඩපිළිවෙල ප්‍රතිව්‍යුහගත කිරීම කෙරෙහි රජයේ අවධානය යොමුව තිබේ. ඒ පිළිබඳව පළාත් මට්ටමින් දීප ව්‍යාප්තව දැනුවත් කිරීමේ වැඩසටහන් පැවැත්වෙන අතර දකුණු පළාතේ රාජ්‍ය නිලධාරීන් දැනුවත් කිරීමේ වැඩසටහන මාතර දිස්ත්‍රික් ලේක්ම් ප්‍රදීප් රත්නායක මහතාගේ ප්‍රධානත්වයෙන් ඊයේ (09) දින මාතර වෙරළ පාරේ ග්‍රෑන්ඩ් නව්රෝ හෝටලයේ දී පැවැත්විණි.

එහි දී නීති විරෝධී ක්‍රියා සඳහා පුපුරණ ද්‍රව්‍ය යොදා ගැනීම සම්බන්ධව නාවික හමුදාවේ ලුතිතන් කමාන්ඩර් (අවි) කේ.ජී.පී.ආර්.සම්පත් මහතා විසින් ද, පුපුරණ ද්‍රව්‍ය බලපත්‍ර නිකුත් කිරීම සඳහා වන නීතිමය තත්ත්වයන් පිළිබඳව භූ විද්‍යා සමීක්ෂණ හා පතල් කාර්යාංශයේ සහකාර අධ්‍යක්ෂ (නීති) ඊ.එච්.ආර්.ප්‍රියන්ත මහතා විසින් ද, භූ විද්‍යා සමීක්ෂණ හා පතල් කාර්යාංශයේ වගකීම පිළිබඳව එහි ජ්‍යෙෂ්ඨ අධ්‍යක්ෂ කැණීම් ඉංජිනේරු ඩී.සජ්ජන ද සිල්වා මහතා විසින් ද, වාණිජ පුපුරණ ද්‍රව්‍ය හඳුන්වා දීම හා ඒ පිළිබඳ නීතිමය තත්ත්වය පිළිබඳව භූ විද්‍යා සමීක්ෂණ හා පතල් කාර්යාංශයේ විශේෂ උපදේශක බන්දුල හේරත් මහතා විසින් ද, පිපිරුම් පරීක්ෂණ ක්‍රමවේද පිළිබඳව භූ විද්‍යා සමීක්ෂණ හා පතල් කාර්යාංශයේ ප්‍රාදේශිය කැණීම් ඉංජිනේරු යූ.එච්.ටී.ප්‍රියන්ත මහතා විසින් ද, භූ විද්‍යා සමීක්ෂණ හා පතල් කාර්යාංශයට අනුබද්ධ ආයතනයක් වන GSMB තාක්ෂණ ආයතනය මගින් සිදු කරන පිපිරුම් හා කැණීම් අධීක්ෂණයන්ට අදාළ සේවා සැපයීම සම්බන්ධව එහි ඉංජිනේරු විරාජ් මයාදුන්නේ මහතා විසින් ද දැනුවත් කිරීම සිදු කරන ලදි.

හම්බන්තොට දිස්ත්‍රික් ලේකම් බන්ධුල හරිස්චන්ද්‍ර මහතා, ගාල්ල, මාතර හා හම්බන්තොට අතිරේක දිස්ත්‍රික් ලේකම්වරු හා දකුණු පළා‌තේ සියලු ම ප්‍රාදේශිය ලේකම්වරු, නාවික හමුදාව, පොලිසිය ඇතුළු පිරිසක් මේ අවස්ථාවට සහභාගි වී සිටියහ.

භූ විද්‍යා සමීක්ෂණ හා පතල් කාර්යාංශය හා මාතර දිස්ත්‍රික් ලේකම් කාර්යාලය එක්ව වැඩසටහන සංවිධානය කරන ලදි.

 මාතර දිස්ත්‍රික් සම්බන්ධීකරණ කමිටුව ජූලි 08 වැනිදා රැස්වේ

 මාතර දිස්ත්‍රික් සම්බන්ධීකරණ කම්ටු රැස්වීම කමිටුවේ ගරු සම සභාපති වරුන් වන  ගරුකර්මාන්ත හා වාණජ කටයුතු නියෝජ්‍ය අමාත්‍ය බුද්ධික පතිරණ මැතිතුමා සහ ගරු ආණ්ඩුකාරවර කීර්ති තෙන්නකෝන් මැතිතුමාගේ ප්‍රධානත්වයෙන් ජූලි 08 වැනිදා පෙ.ව10.00 ට මාතර දිස්ත්‍රික් ලේකම් කාර්යාලීය ගාමිණී ජයසේකර ශ්‍රවණාගරයේ දී පැවැත්වේ.‍


මෙහි දී දිස්ත්‍රික් සංවර්ධන කමිටු අනුමැතිය සඳහා ඉදිරිපත් කර ඇති ගැටලු සහ යෝජනා, මාතර දිස්ත්‍රික් රාජ්‍ය ආයතනයන්හි සංවර්ධන ප්‍රගතිය හා 2019 වර්ෂයේ සංවර්ධන සැලැස්ම, විමධ්‍යගත වැඩසටහන, දිවිනැගුම ජාතික වැඩසටහන, මාතර - කතරගම දුම්රිය මාර්ග සංවර්ධන ව්‍යාපෘතිය, පාලම් ව්‍යාපෘතිය, නගර සංවර්ධනය, වෙරළ උද්‍යානය සංවර්ධනය, දිස්ත්‍රික්කයේ ආරක්ෂක තත්ත්වය, කෘෂිකර්ම / ඉඩම් / වාරිමාර්ග / සත්ත්ව පාලන කටයුතු, මාර්ග සංවර්ධන කටයුතු, සෞඛ්‍ය සේවා, අධ්‍යාපන සංවර්ධන කටයුතු, පුර නැගුම ව්‍යාපෘතිය, මධ්‍යම පරිසර අධිකාරිය මගින් ක්‍රියාත්මක සංවර්ධන කටයුතු, නිවාස සංවර්ධන අධිකාරිය මගින් ක්‍රියාත්මක කරන නිවාස සංවර්ධන ව්‍යාපෘති, දිස්ත්‍රික්කයේ ආපදා කළමනාකරණ කටයුතු, පළාත් පාළන කටයුතු, ප්‍රවාහන කටයුතු, ධීවර සංවර්ධන ව්‍යාපෘති, ජල සම්පාදන, විදුලිය සංවර්ධන කටයුතු, කර්මාන්ත සංවර්ධනය, තැපැල් / විදුලි සන්දේශ, ජාතික තරුණ සේවා සභාවේ හා වෘත්තීය පුහුණු අධිකාරියේ ක්‍රියාත්මක තත්ත්වයන් ආදිය පිළිබඳව සාකච්ඡා කිරීමට නියමිත ය.

මේ අවස්ථාව සඳහා දිස්ත්‍රික්කය නියෝජනය කරන පාර්ලිමේන්තු මැති ඇමතිවරුන්, දකුණු පළාත් සභාවේ මැති ඇමතිවරුන්, ප්‍රාදේශීය සභා නියෝජිතයින් ඇතුළු දේශපාලන නායකත්වය සහ මාතර දිස්ත්‍රික් ලේකම් ප්‍රදීප් රත්නායක මහතා ප්‍රමුඛ රාජ්‍ය නිලධාරීන් ඇතුළු පිරිසක් සහභාගි වීමට නියමිත ය.

මාතර දිස්ත්‍රික් ලේකම් කාර්යාලීය ක්‍රමසම්පාදන අංශය රැස්වීම සංවිධානය කරයි.

පොසොන් සතියට සමගාමීව සර්ව රාත්‍රික පිරිත් පින්කමක් හා දානමය පින්කමක් මාතර දිස්ත්‍රික් ලේකම් කාර්යාලයේ දී

“සබ්බේ තසන්ති දණ්ඩස්ස - සියලු සත්ත්වයෝ දඬුවම ට බිය වෙති” යන පොසොන් තේමා පාඨය මුල් කර ගනිමින් ශ්‍රී බුද්ධ වර්ෂ 2563 ක් වූ 2019 ජුනි මස 16 දිනට යෙදෙන පොසොන් පුර පසළොස්වක පෝය දිනයට සමගාමීව මාතර දිස්ත්‍රික් ලේකම් ප්‍රදීප් රත්නායක මහතාගේ උපදෙස් පරිදි සර්ව රාත්‍රික පරිත්‍රාණ ධර්ම දේශනාවක් හා උදෑසන දානමය පින්කමක් මාතර දිස්ත්‍රික් ලේකම් කාර්යාල පරිශ්‍රයේ දී පැවැත්විණි.

ජුනි 12 දින සිට ජුනි 18 දින දක්වා වූ සතිය පොසොන් සතිය වශයෙන් රජය ප්‍රකාශයට පත්කර ඇත. එම කාල සීමාව තුළ රජයේ සියලු ආයතනවල හා ගොඩනැගිලිවල බෞද්ධ කොඩිය ඔසවා තැබීමටත් එම ගොඩනැගිලි පොසොන් සැරසිලි වලින් අලංකාර කිරීමටත් තීරණය කර තිබේ. එසේ ම දිවයින පුරා සුරාසැල් හා මස් කඩ වසා තැබීමට ද රජය තීරණය කර ඇත.

සියලු ම ග්‍රාම නිලධාරීන් හා ක්ෂේත්‍ර නිලධාරීන්ගේ සහයෝගයෙන් ග්‍රාමීය මට්ටමින් මෙම වැඩසටහන සාර්ථක කර ගැනීමට කටයුතු කෙරේ. සියලු ම අන්‍යාගමිකයන්ගේ සහයෝගය ලබා ගෙන ආගමික සංහිඳියාව වර්ධනය වන ආකාරයට පළාත්, දිස්ත්‍රික් හා ප්‍රාදේශිය ලේකම් කොට්ඨාස මට්ටමින් රාජ්‍ය පොසොන් උත්සව සංවිධානය කිරීමට ද අභ්‍යන්තර, ස්වදේශ කටයුතු සහ සළාත් සභා හා පළාත් පාලන අමාත්‍යංශය උපදෙස් ලබා දී ඇත.

අනුබුදු මිහිඳු මහ රහතන් වහන්සේගේ ලංකාගමනයත් අපට හුරු වූ ආගමික නැමියාව හා ආගමික සහනශීලීත්වයත් සමඟ  ශ්‍රී ලාංකේය ජන ජීවිතය විශාල පරිවර්තනයකට ලක් විය. එදා ඇති වු එම සංස්කෘතික පරිවර්තනයේ දිගුවක් වූ වැවයි - දාගැබයි, ගමයි - පන්සලයි සංකල්පය අදට ද වලංගු වේ.

මාතර දිස්ත්‍රික්කයේ ප්‍රාදේශිය ලේකම් කොට්ඨාස 16 හි ග්‍රාම නිලධාරී වසම් 650 තුළ ම පොසොන් පින්කම් හා විවිධ වැඩසටහන් සංවිධානය කර ඇත.

මේ අවස්ථාවට මාතර අතිරේක දිස්ත්‍රික් ලේකම් කසුන් එස්.කේ.වැල්ලහේවා මහතා, මාතර අතිරේක දිස්ත්‍රික් ලේකම් (ඉඩම්) නිශාන් පතිරණ මහතා හා මාතර සහකාර දිස්ත්‍රික් ලේකම් නදී ජයවික්‍රම මහත්මිය ඇතුළු රාජ්‍ය නිලධාරීන් සහභාගි වී සිටියහ.

Subcategories

ඉදිරි වැඩසටහන සැප්තැම්බර් මාසය - 2018                                                    

දිනය

 ඉටුකිරීමට නියමිත රාජකාරි

ස්ථානය

01

සෙනසුරාදා

ව්‍යාපෘති පරික්ෂාව

කොටපොල

02

ඉරිදා

පරිසර කටයුතු පරික්ෂාව

වැලිපිටිය

03

සදුදා

කාර්යාලය

 

04

අගහරුවාදා

කෘෂිකර්ම කමිටුව

කාර්යාලය

05

බදාදා

කාර්යාලය

 

06

බ්‍රහස්පතින්දා

දිවිනැගුම ව්‍යාපෘති පරික්ෂාව

පිටබැද්දර

07

සිකුරාදා

කාර්යාලය/මැතිවරණ රැස්වීම

මාතර/කොළඹ

08

සෙනසුරාදා

රජයේ ව්‍යාපෘති පරික්ෂාව

වැලිගම

09

ඉරිදා

මහජන පැමිණිලි පරික්ෂාව

අකුරැස්ස

10

සදුදා

කාර්යාලය

 

11

අගහරුවාදා

කාර්යාල පරික්ෂාව

අකුරැස්ස

12

බදාදා

කාර්යාලය

 

13

බ්‍රහස්පතින්දා

සමෘද්ධි කටයුතු

අකුරැස්ස

14

සිකුරාදා

ව්‍යාපෘති පරික්ෂාව

මුලටියන

15

සෙනසුරාදා

සංවර්ධන ව්‍යාපෘති පරික්ෂාව

කඹුරුපිටිය

16

ඉරිදා

සංවර්ධන ව්‍යාපෘති පරික්ෂාව

තිහගොඩ

17

සදුදා

කාර්යාලය

 

18

අගහරුවාදා

ජනාධිපතිතුමාගේ රැස්වීම

කොළඹ

19

බදාදා

කාර්යාලය

 

20

බ්‍රහස්පතින්දා

මහජන පැමිණිලි පරික්ෂාව

පිටබැද්දර

21

සිකුරාදා

සංවර්ධන කටයුතු පරික්ෂාව

වැලිගම

22

සෙනසුරාදා

රජයේ සංවර්ධන ව්‍යාපෘති පරික්ෂාව

මාලිම්බඩ

23

ඉරිදා

මහජන පැමිණිලි පරික්ෂාව

අකුරැස්ස

24

සදුදා

කාර්යාලය

 

25

අගහරුවාදා

ප්‍රාදේශීය ලේකම් සාකච්ඡාව

කාර්යාලය

26

බදාදා

කාර්යාලය

 

27

බ්‍රහස්පතින්දා

සංවර්ධන කටයුතු පරික්ෂාව

පිටබැද්දර

28

සිකුරාදා

සංවර්ධන කටයුතු පරික්ෂාව

කොටපොල

29

සෙනසුරාදා

මහජන පැමිණිලි පරික්ෂාව

කිරින්ද පුහුල් වැල්ල

30

ඉරිදා

ව්‍යාපෘති පරික්ෂාව

අතුරලිය