ඉඩම් අත්පත් කර ගැනීමේ ක්රියාවලිය සම්බන්ධව ප්රාදේශීය ලේකම්වරුන් දැනුවත් කිරීම සඳහා වූ එක්දින පුහුණු වැඩමුළුවක් මාතර දිස්ත්රික් ලේකම් කාර්යාලයීය ගාමිණී ජයසේකර ශ්රවණාගාරයේදී පැවැත්විණි.
මෙම පුහුණු වැඩසටහන සඳහා දකුණු පළාතේ මාතර හා ගාල්ල දිස්ත්රික්කවල සියලුම ප්රාදේශීය ලේකම්වරුන් හා සහකාර ප්රාදේශීය ලේකම්වරුන් එක්ව සිටි අතර ඉඩම් අත්පත් කෘෂිකර්ම පශු සම්පත් ඉඩම් සහ වාරිමාර්ග අමාත්යාංශය හා මාතර දිස්ත්රික් ලේකම් කාර්යාලය එක්ව සංවිධානය කොට තිබුණි.
ඉඩම් අමාත්යාංශයේ අධ්යක්ෂ (ඉඩම් අත්පත්) පී.බී.ඩබ්.සමීර ප්රසාද් මහතාගේ සම්පත් දායකත්වයෙන් පැවැති මෙම වැඩමුළුවේ දී විශේෂයෙන්ම රජයේ සංවර්ධන කටයුතු ඇතුළු පොදු මහජනතාවගේ සුබ සිද්ධිය වෙනුවෙන් ඉඩම් අත්පත් කර ගැනීමේ ක්රියාවලිය පිළිබඳව මෙන්ම, ඉඩම් අත්පත් පනත, එහි සංශෝධනයන් මෙන්ම විවිධ ප්රායෝගික ගැටලු හා අත්දැකීම් පිළිබඳව ද නිලධාරීන් දැනුවත් කරන ලදි.
වැඩමුළුවේ සමාරම්භක අවස්ථාවට මාතර සහකාර දිස්ත්රික්ක ලේකම් ආර්. ලක්මාලී තේනුවර මහත්මිය එක්ව සිටි අතර මෙම අවස්ථාවට ඉඩම් අමාත්යාංශයේ අධ්යක්ෂ(ඉඩම් අත්පත්) එච්.එම්.සචින්තන තිලකරත්න මහතා ඇතුළු දිස්ත්රික් ලේකම් කාර්යාලයේ නිලධාරීන් පිරිසක් එක්ව සිටියහ.
